Nytt

Midt i ei gate i Stuttgart gjekk ein mann til åtak på ein annan med sverd. Offeret havnar på bakken, men gjerningsmannen stoppar ikkje; han held fram med å maltraktere offeret med ein sverdliknande gjenstand. (kjelde: Frankfurter Allgemeine Zeitung)

Fleire vitner filmar åtaket, og kort tid etter sirkulerer det videoar på nettet.

Politiet oppgir torsdag at dei reknar med at det er personlege motiv for den blodige handlinga. Den angivelege gjerningsmannen skal ha budd hjå offeret. Før åtaket hadde dei to ein hissig krangel.

Syrisk gjerningsmann

Syrisk gjerningsmann
Rykta fortel at det er ein 28 år gamal syrer som har knivstukke ein 36 år gamal tysk statsborgar, med bakgrunn frå Kazakstan. Ein talsmann for politiet skildrar handlinga som «ekstraordinær og grufull». Syraren skal ha vore i Tyskland sidan 2015, og har gyldig opphaldsløyve, seier talsmannen, som også vedgår at mannen er ein kjenning av politiet

Videoar på nettet er ulovlege
Like etter aksjonen onsdag kveld, sirkulerte fleire videoar på nettet. «Etterforskarane nytta filmane for å samle prov», fortel talsmannen. Likevel vil politiet ta kontakt med brukarane og be dei fjerne opptaka frå nettet. Ja, så alvorleg ser myndigheitene på dette, at statsadvokaten i Stuttgart vil sjekke om personar som har spelt inn og lasta opp videoar har gjort seg skuldige i straffbar handling. Kriminalrådet i Baden-Württemberg hevda i ein tweet at «produksjon og distribusjon av medier som syner grusomme eller umenneskjelege valdshandlingar mot andre menneskje, er forbodne.»

Flukt til fots og pr sykkel
Etter drapet flykta han først til fots, så med ein sykkel. Men han vart raskt innhenta og gripen av politiet. Hans-Jürgen Kirstein, talsmann for GdP, seier handlinga gjenspeglar eit overordna samfunnsproblem: «For få år sidan kunne konflikter løysast verbalt; det vi no ser, er at «konfliktløysingar» ofte får fatale følgjer.»

Støtt Document

Du kan enkelt sette opp et fast, månedlig trekk med bankkort:

Eller du kan velge et enkeltbeløp:

kr

Du kan også overføre direkte til vårt kontonummer 1503.02.49981

Vårt Vipps nummer er 13629

Støtt oss fast med Paypal: